Санаи 4 август дар маҷмааи варзишии «Манеж» бо мақсади мусоидат ба рушди соҳаҳои сохтмону саноат ва дар доираи пешбурди «Солҳои рушди саноат»-и Ҷумҳурии Тоҷикистон барои солҳои 2022-2026, Намоишгоҳи байналмилалии сохтмони « TajBuild » оғоз гардид.
Дар рӯзҳои сафари ҳайати соҳибкорони вилояти Хатлон ба штати Колорадаи Иёлоти Муттаҳидаи Амрико, директори кулли Палатаи савдо ва саноати вилояти Хатлон Расулзода Фарход бо директори Палатаи савдо ва саноати шаҳри Боулдер Ҷаноби Скот Стернберг вохӯрии корӣ доир намуданд. Дар вохӯрӣ директори ПСС-и вилояти Хатлон қайд карданд, ки шаҳри Боулдерро бо шаҳри Душанбе пойтахти азизи кишварамон, риштаҳои муносибатҳои фарҳангӣ мепайвандад, вале мо аз имкониятҳои Палатаҳои савдо ва саноат самаранок истифода бурда, ҳамкориҳои тиҷоратию иқтисодиро бо шаҳри Боулдер бояд рушд диҳем.
29-уми июли соли 2022, Муовини Раиси Палатаи савдо ва саноати Ҷумҳурии Тоҷикистон Рустамова Манзура Акрамовна бо Раиси Палатаи савдо ва саноати шаҳри Болуи Туркия - Туркер Атеш ва Менеҷери Минтақаи махсуси саноатии мутишаккили саноатии омехта ва нассоҷии минтақаи Болу Мустафо Гулен вохӯрӣ намуд.
Рӯзи 26 июли соли ҷорӣ дар идомаи сафар ба штати Колорадои Иёлоти Муттаҳидаи Амрико, ҳайати соҳибкорони вилояти Хатлон дар шаҳраки Голден бо кор ва фаъолияти Бизнес инкубаторӣ "Go Farm" шинос шуда, оиди таҷрибаи он маълумотҳои муфассал пайдо намуданд. Сипас ҳайати мо бо кор ва фаъолият ширкати "Avery brewing co", ки бо истеҳсоли оби ҷав ва корхонаи хурди яхмосбарории "Sweet cow" , ки дар шаҳри Боулдер воқеъанд шинос шуда, оиди таҷрибаи муосири истеҳсолии корхонаҳои мазкур бархӯрдор шуданд.
Рӯзи 23 июли соли ҷорӣ, бо ташаббусӣ лоиҳаи ЮСАИД "Оид ба беҳтар намудани рақобатпазирии агробизнес дар Тоҷикистон," таҳти роҳбарии роҳбари лоиҳаи мазкур Лилия Твердун ва директори кулли Палатаи савдо ва саноати вилояти Хатлон Расулзода Фарход, ҳайат соҳибкорони вилояти Хатлон, роҳбарони ширкату корхонаҳои истеҳсолкунанда ва коркардкунандагони маҳсулотҳои кишоварзии вилоят ба штати Коларадои Иёлоти Муттаҳидаи Амрико сафар намуданд. Ҳадафи сафари ҳайат ин шиносоӣ ва омӯзиши таҷрибаи муҳосирӣ истеҳсолкунандагон, коркардкунандагон ва содироткунандагони маҳсулотҳои кишоварзии Амрико мебошад.
Раиси вилояти Хатлон Қурбон Ҳакимзода дар ҷараёни сафари кориаш дар ноҳияи Вахш аз рафти сохтмони Маркази логистикӣ дидан намуд.
Ин марказ аз тарафи соҳибкор Саидов Абдухолиқ дар ҳамкорӣ бо шарикони рушд дар доираи татбиқи Лоиҳаи “Рақобатпазирии агробизнес дар Ҷумҳурии Тоҷикистон" ва ҶДММ “Восток-1”-и ноҳияи Вахш ба маблағи 248 ҳазору 584 доллари америкоӣ бунёд мегардад. 50%-и маблағи сохтмонро соҳибкор сармоягузорӣ кардааст.
Ба раиси вилоят иттилоъ доданд, ки дар ин мавзеъ бунёди ду сардхона бо имконияти қабул намудани то 600 тонна маҳсулоти кишоварзӣ ташкил гардидааст.
Строительная компания «Строй-Центр» образована в 2008 году и имеет профессиональный опыт в строительной отрасли в городе Душанбе, а также в целом по Республике Таджикистан.
Бо мақсади рушди ҳамкориҳои судманди дуҷониба бо вилояти Самараи Федератсияи Россия дар самтҳои иқтисодию иҷтимоӣ, санаи 15 июли соли ҷорӣ мулоқоти маҷозии намояндагони вилояти Хатлон ва вилояти Самара баргузор гардид.
Дар мулоқот масъалаҳои ташрифи доираи соҳибкорони вилояти Самара ба вилояти Хатлон ва сафари соҳибкорони вилояти Хатлон ба вилояти Самара, бунёди корхонаҳои муштарак ва рушди иқтидори содиротии ҷонибҳо мавриди баррасӣ қарор гирифтанд.
Copyright © 2024,
Created by MATHEMA
