Рӯзи 17.10.2020с. дар шаҳри Бохтар ба муносибати ҷашни Меҳргон чорабинии тантанавӣ бо намоиши маҳсулоти кишоварзӣ, шолӣ, биринҷ ва озмуни “Оши палов” баргузор гардид.

Раиси вилояти Хатлон Қурбон Ҳакимзода бо ҳайати ҳамроҳаш аз намоиши техникаи кишоварзӣ, маҳсулоти кишоварзию саноатӣ, маҳсулоти нонӣ, ҳунарҳои мардумӣ ва сайёҳӣ, маҳорати ошпазҳо дидан намуданд.

Раиси вилоят ҳамчунин ба ғолибони озмуни “Сабзирезакуни беҳтарин”, “Ошпази беҳтарин” ва “Ошхӯри беҳтарин” ҳадяҳои мақомоти иҷроияи ҳокимияти давлатии вилоятро тақдим намуд.